Somos o único clúster de xeotermia de España. Agrupamos empresas instaladoras, perforadoras, enxeñerías, distribuidoras, centros tecnolóxicos, universidades e colexios profesionais que conforman toda a cadea de valor do sector en Galicia e no conxunto do Estado.
A nosa razón de ser é clara: promover a calidade, a formación e o crecemento dun sector estratéxico para a transición enerxética de Galicia
“Damos a coñecer a xeotermia entre a cidadanía, os profesionais e as institucións a través de xornadas, charlas, feiras e medios de comunicación. Máis de 250 accións divulgativas realizadas en toda Galicia desde 2010.”
“Actuamos como interlocutores do sector ante a administración autonómica e estatal. Colaboramos con organismos como o INEGA e o IGVS para o desenvolvemento de programas de subvencións, normativa e estratexias de impulso á xeotermia en Galicia.”
“Velamos pola reputación e a calidade do sector xeotérmico galego. A través dos nosos estándares, guías de boas prácticas e a Marca de Calidade ACLUXEGA garantimos instalacións seguras, eficientes e profesionais.”
“Ofrecemos formación especializada e de calidade para os profesionais do sector: instalación, perforación, posta en marcha e mantemento de sistemas xeotérmicos. Máis de 13 cursos impartidos desde a nosa fundación.”
“Fomentamos a investigación e o desenvolvemento tecnolóxico no ámbito da xeotermia, colaborando con universidades, centros tecnolóxicos e entidades de I+D+i para impulsar o coñecemento e a innovación no sector.”
“Galicia conta cun subsolo privilexiado para a xeotermia e un sector empresarial altamente profesionalizado. ACLUXEGA traballa para que a nosa comunidade sexa recoñecida en toda España como territorio de referencia nesta enerxía renovable.”
“Participamos no Comité Técnico de AENOR para o desenvolvemento da norma UNE de referencia sobre xeotermia e promovemos a nosa Marca de Calidade ACLUXEGA – Galicia Calidade.”
“Traballamos para ampliar o mercado xeotérmico en Galicia, apoiando ás empresas do sector na captación de novos clientes e oportunidades, e promovendo a xeotermia como alternativa eficiente e competitiva fronte aos sistemas convencionais.”
“Desde 2010, ACLUXEGA desenvolveu unha actividade continuada co eixo común da calidade en todas as súas actuacións.”
“Pertencer a ACLUXEGA supón acceder a unha rede de servizos orientados á mellora continua e á competitividade do sector.”
Cursos de instalacións xeotérmicas, perforación, posta en marcha e mantemento de bombas de calor, e márketing en enerxías renovables.
Participación na elaboración de normas UNE e guías de boas prácticas para instalacións e perforacións xeotérmicas.
Difusión da xeotermia ante profesionais, prescritores, institucións e público xeral a través de xornadas, feiras e medios de comunicación.
Distintivo de calidade recoñecible para as empresas instaladoras que cumpren os estándares do clúster, avalado pola Marca de Garantía Galicia Calidade.
© 2026. ACLUXEGA